من هو ملكي صادق؟

 أَنَّ مَلْكِي صَادَقَ هذَا، مَلِكَ سَالِيمَ، كَاهِنَ اللهِ الْعَلِيِّ، الَّذِي اسْتَقْبَلَ إِبْرَاهِيمَ رَاجِعًا مِنْ كَسْرَةِ الْمُلُوكِ وَبَارَكَهُ،

2 الَّذِي قَسَمَ لَهُ إِبْرَاهِيمُ عُشْرًا مِنْ كُلِّ شَيْءٍ. الْمُتَرْجَمَ أَوَّلًا «مَلِكَ الْبِرِّ» ثُمَّ أَيْضًا «مَلِكَ سَالِيمَ» أَيْ «مَلِكَ السَّلاَمِ»

3 بِلاَ أَبٍ، بِلاَ أُمٍّ، بِلاَ نَسَبٍ. لاَ بَدَاءَةَ أَيَّامٍ لَهُ وَلاَ نِهَايَةَ حَيَاةٍ. بَلْ هُوَ مُشَبَّهٌ بِابْنِ اللهِ. هذَا يَبْقَى كَاهِنًا إِلَى الأَبَدِ.

عب 7: 1- 3

النص هنا بيتكلم عن ظهور ملكي صادق المفاجيء للأحداث وخروجه المفاجيء، أو بمعنى آخر إنه بيتكلم عن ان مفيش ذكر لنسبه في الكتاب المقدس، ومفيش ذكر لبداية ولا نهاية حياته، وعلشان كدا مترجم النسخة السريانية من العهد الجديد كتبها:

"الذي لم يكتب أبوه وأمه في الأنساب" ؛ أو لا يوجد حساب أنساب له.

بالرغم من ان عادة الانبياء العبرانيين كتابة اسماء الشخصيات الهامة والنسل اللي جم منه.. فازاي شخص بالاهمية دي ميتكتبش عنه اي تفاصيل؟!

واهميته طبعا بترجع لإنه بارك إبراهيم وقبل منه العشور..

ودا كان مقصود من الوحي علشان يكون ملكي صادق رمز للمسيح أمام اليهود، ودا اللي بالفعل عمله كاتب العبرانيين هنا، انه مثله بالمسيح ككاهن وكملك ومنه البركة..

كمان كاتب العبرانيين يهودي متأصل في تعاليم العهد القديم والرابيين اليهود وتفسيرهم ليه، واليهود كانوا بيشيروا للمسيا انه سيكون بلا اب، ودا بيقول بيه مثلا رابي موشى هادرشان

R. Moses Hadarsan apud Galatin. l. 3. c. 17. & l. 8. c. 2.

والفكرة دي اللي الكاتب بيأصل لها هنا..

لكن ملكي صادق نفسه كان إنسان عادي جدا، وواضح ان كلمة ملكي اشارة للملك، وصادق لقب بيطلق على الملوك في الوقت دا، زي فرعون مصر كدا، كل ملك في مصر لقبه فرعون.. ودا بيوضح من يشوع 10: 3 (أدوني صادق)..

دا غير ان التقليد اليهودي سواء المذكور في ترجوم أونكيلوس أو رابي ليفي بن جرشوم في تعليقه على التكوين أو في مصادر اخرى في نهاية البوست بيذكر نسب ملكي صادق بالكامل وبيرجعه لسام بن نوح..

الخلاصة:

1- ملكي صادق راجل عادي جدا مش ظهور الهي ولا اله ولا ملاك

2- ملكي صادق كان كاهن وملك ودي حاجة طبيعية لغالبية الملوك وقتها ان الملك يكون كاهن.

3- كاتب العبرانيين بيربط الفكرة اليهودية عن المسيا انه يكون بلا اب بملكي صادق اللي الكتاب مذكرش نسبه بشكل واضح.. مش انه فعلا ملكي صادق بلا اب، لكن لان الكتاب صمت من جهة نسبه.

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

*المصادر اليهودية اللي ذكرت نسب ملكي صادق:

Targum in Jon. & Jerus. Jarchi, Baal Hatturim, Levi ben Gersom & Abendana in Gen. xiv. 18. Bemidbar Rabba, sect. 4. fol. 182. 4. Pirke Eliezer, c. 8. Juchasin, fol. 135. 2. Tzeror Hammor, fol. 16. 2. Shalshelet Hakabala, fol. 1. 2. Peritzol. Itinera Mundi, p. 17.